Twitter asmatu ote nuen?

Hiru web orrialde berri egin behar ditut hurrengo hilabeteetan, eta hauek nola eraiki pentsatzen ari nintzela, nik egindako lehen orrialdea burura etorri zait. Gogoan dut galeon.com dohako hostalarian sartu nuela. Beraz bururatu zait: Martxan jarraituko al du? eta hara! zerbait badago martxan! http://www.herria.galeon.com jajaja. Zenbat denbora pasa den (azken eguneraketa 2002-5-03 koa da), zenbat gauza ikasi ditudan diseinu eta programazio aldetik…. jajaja

Beno, gauza da, bertan kalea izeneko ataltxo bat nuela. Atal horren deskribapenak dioen bezala, jendeak nahi zuena idazteko aukera zuen. Garai horretan ez nekien formulario bat egiten beraz, jendeak bere esaldiak email bidez bidaltzen zizkidan eta nik orrialdean txertatzen nituen. Beraz, konturatuko zineten ataltxo hau Twitter edo Facebooken hormaren antzeko zerbait dela.

Agian denuntziatu egin beharko ditut niri ideia lapurtzeagatik? jajajaja.

P.D barkatuko didazue orrian egon daitezkeen akats ortografikoengatik baina ezin dut ezer aldatu. Suposatzen dut, erabiltzailearen kontua ezabatua egongo dela, baina hala ez bada ere, ez daukat ideiarik ere zein izango den erabiltzaile izena eta pasahitza 🙁